Srićno Novo lito

foto: Aleksandar Bančić

Dok imamo (kreativnu) pauzu, a još san i na ferijama, ima san vrimena napraviti još kakov album s fotkami.

Danas imate priliku viditi fotke s izložbe Denisa Gržetića, porečkega fotografa, koji dela crno-bile fotografije sa puno mistične atmosfere. Za viditi jušto kakove su to njigove fotke morete kliknuti na ovi link.

Pasalo je i ovo lito, za nas je bilo jako produktivno aš smo slavili 10 lit od osnivanja KUD-a, jopet se okupila stara ekipa za izvesti performans Kolo i reprizu Manjadure koju smo parićali za otvaranje izložbe u Puli. Magari se pensamo kako udruga koja djeluje regionalno, ovo lito smo dosta gostovali. Bili smo u Vojvodini, Zagrebu i Puli.

Se šperamo da će nan u noven litu hoditi još bolje a isto želimo i Vama.

Grill peace united – deveto lito, deseti put

Matejčićka, Nadanovi crteži, Liviov Glas Istre i gravče na tavče u oštariji Galeb

Pula, srida, oštarija Galeb 19.00

Kako smo u petak morali odgoditi Grill zbog sniga u sridu ga ne odgađamo ni ko sikire padaju, pak ćemo u sedan z večer vas u ime Šikuti Machine pozvati na druženje u pulsku oštariju Galeb. Kako je recesijsko vrijeme, a hrana je nezaobilazan dio Grill peacea, našli smo sponzora, ujedno i stalnog moderatora večernjih druženja kod Ferlina, Maria Benčića.

Razgovarat ćemo s dugogodišnjom novinarkom Sniježanom Matejčić. Govorit će se o aktivizmu, slobodi medija, položaju žena u društvu, kulturi itd. Likovni dio bit će u duhu Nadana Rojnića- Bionda, zapravo najnoviji crteži odnosno printevi koji su trenutno izloženi u Ženevi, visjet će u Galebu nekoliko dana.

Biti će i upriličena druga promocija novega cedea Glas Istre Livia Morozina u oštariji Galeb, samo ča ova je za fanove, a ona prija deset dan je bila za medije.

Za grill - gravče na tavče.

Grill peace united – deveto lito, deseti put

Matejčićka, Nadanovi crteži, kantaduri i gravče na tavče u oštariji Galeb

U petak, u šest navečer, Šikuti machine vas pozivaju na druženje u pulsku oštariju Galeb. Kako je recesijsko vrijeme, a hrana je nezaobilazan dio Grill peacea, našli smo sponzora, ujedno i stalnog moderatora večernjih druženja kod Ferlina, Maria Benčića. Kuhari grila će ove večeri počinuti i samo guštati ča su i zaslužili.

Razgovarat ćemo s dugogodišnjom novinarkom Sniježanom Matejčić. Govorit će se o aktivizmu, slobodi medija, položaju žena u društvu, kulturi itd. Likovni dio bit će u duhu Nadana Rojnića- Bionda, zapravo najnoviji crteži odnosno printevi koji su trenutno izloženi u Ženevi, visjet će u Galebu nekoliko dana.

Noel Šuran će i za večeras osmisliti s kin će kantati na tanko i debelo, a z kin sviriti šurlice eli češalj.

Za grill - gravče na tavče.

Par foto albuma

U zadnje vrime san si da dela i obradija stare fotke koje još nisam prikaza na oven blogu pak ću to danas učiniti.

Prvi foto album je od pasane subote kadi su nan gosti bili Branko Lučić i Alem Korkut. Korkut je preženta jenu svoju skulpturu koju je na kraju poklonija Oštariji Ferlin.

Branko Lučić je govorija o Lindaru, svojoj suradnji sa Francijem i još puno drugih stvari. Njemu se pridružija i Noel Šuran ki je stešo iz Lindara a pokle su on i Branimir Šaina zakantali.

Najavljenih tripic ni bilo nego su Dino i Sipić prontali njoke z šugon od kobasic.

27. 11. nan je gost bija Elio Velan, novinar Glasa Istre ki nan je govorija kako je to živiti u Evropskoj Uniji. Kako on govori, ne piše nan se lipo. Stešo su kantali Noel i Branimir, a Noel, ki je anke likovni artišta, je izložija svoje grafike. Za isti je bija klasični grill.

20. 3. 2010. - Korado Korlević, Fulvio Juričić, Milan i Marija Kranjčić

13. 3. 2010. - Darko Dukovski, Mario Ferlin, Andi Bančić, Mauricio Mirković, Dean i Lučano Kliman

I zadnji album za danas: 6. 3. 2010. - Dario Marušić, Andi Bančić, Noel Šuran i Ines Drašković

A sve objavljene albume morete viditi na oven linku.

Grill peace united-deveto lito-deveti put

Luce, Korkut, kanta i tripe Savičenta, subota, 11.12.2010.u 19.00 ur, oštarija Ferlin

Još malo imamo force materijalne, kuraja koliko ćeš, pak ćemo i ovu subotu poli Ferlina guštati arat. Zvali smo druga Branka Lučića - Luceta Lindarskega ki žive u Ljubljani da nan dojde špjegati kako je poli njih, kako se pišu dramuleti, kakov je to zajik lindarski, ča z Istron itd. Š njin će ćakulati drug Mario Benčić-Karnevalac ki će i najaviti kantadure ki zasvin ča smo najavljivali nisu rivali postati VIS oštarije Ferlin, Noela i Karlića.

Vi bot imamo anki artišta likovnega i to senjora Alema Korkuta-Travničanskega Zagrepčana, ki je čudo prirode, z kin će Mladen Lučić-Luc Majmajolski predikati i prežentati jedan objekt specijalno činjen za oštariju Ferlin.

Kuhati će se ča to, samo da se Dino i Rino vržu dakordo, forši i tripe by Điđi.

Alora uvu subotu poli Ferlina na deveto lito i deveti put Grill peacea united.