Delo je učinjeno, učera smo u Zagrebu, juštije u Muzeju za suvremenu umetnost prežentali Pekičin libar i performanse od Šikuti Machine.
Pekičin libar su pomogli prežentati Slavica Mrkić Modrić i Miljenko Marin iz Novog lista, a Noel je u pauzama svirija jingle na mihu.
Šikuti Machine su za otvaranje izložbe ponovili performans Manjadura a publika se je veselo vrgla pomoći. Drugi performansi i filmovi su prežentani preko projekcija, televizija i slika. Kustos izložbe je Tihomir Milovac, a Timislav Brajnović na je uslika dok smo jili prasca.
Izložba Šikuti Machine
u MSU pružit će presjek najvažnijih dosadašnjih radova grupe. Na
otvaranju izložbe izvest će se performans „Manjadura“, koji je
imao premijeru prije 10 godina (24. 7. 2002. u Savičenti) i od tada
se izvodi s određenim varijacijama. Izložba se sastoji od video
projekcija najvažnijih radova nastalih u produkciji Šikuti Machine.
Naročito je bitna dokumentaristička trilogija (Cuki, Prašćina,
Teza), koja se bavi ritualima istarskih poljoprivrednika, a
nagrađivana je na domaćim filmskim smotrama i revijama. Slijede dva
videa na kojima su dokumentirana dva najznačajnija performansa grupe
Šikuti Machine. Prvi je „Fitness“, izveden na Uskrs 2000.
godine, s kojim počinje službeno djelovanje grupe, a drugi
performans „Kolo“ održan je točno deset godina nakon „Fitnessa“
i njime je obilježeno ponovno rođenje grupe. Izložbu zaokružuje
recentni rad „Vogrda“, kojim se odaje počast velikanu američke
poezije Waltu Whitman i preispituje djelovanje grupe Šikuti Machine
u kontekstu njegovog stvaralaštva.
Prezentacija
libra (knjige) Darka Pekice Postelja
za četiri u
MSU Zagreb
Onda
ovako, skoro deset godina je prošlo od mojeg prvog libra Savičenta
in the morning i bila je ura, a vero i hip, da izađe drugi
libar, kako se već smatra da je drugi najjebeniji. Nisan izmislija
ništa novoga, nego su to kratke priče koje su se od 2006. do 2010.
mogle čitati u Glasu Istre pod imenom Savičenta in the morning.
Te štorije (priče) smo dali prof. Mirjani Benjak u Novigrad i prof.
Mauriciu Levaku u Muntić (profesori Filozofskog fakulteta u Puli),
koji se nisu složili kako bi to izabrali, pa su se dogovorili da će
štorije izabrati prof. Benjak, a iskati dlaku u jaji (lektorirati)
prof. Levak. Tako je Savičenta in the morning postala
Postelja za četiri, a ja san dobija napad jer su to kuhali
pola godine. Ruku, kako da se to posloži je da senjor Đanino Božić
ugledni akademski slikar, a složija je moj drug Andi Bančić.
Ova
knjiga sadrži dvjesto kratkih priča, podijeljena je u osam
poglavlja naslovljenih prema nazivu priča u tim poglavljima:
Ovisnici, Picopolis, Zogaduri, Postelja za četiri, Popišan ud Bibe,
Sijati i revolucija, Vijola gori festivali doli te Moje ferije.
Pekičina
je proza topla u svojoj prirodnosti i blagom humoru. Među kratkim
pričama ima i onih koje svojom kompozicijom, jezikom i stilom
zasigurno spadaju u sam vrh suvremene hrvatske proze. Ovdje je bilo
riječi samo o nekoliko razina, nadam se da će čitatelji sami
otkriti i ostale. A sigurna sam da će uživati u prikazu života
kojega, nažalost, jer nemamo Pekičinu mudrost, često nismo
svjesni. Možda nas ipak podsjeti na vrijednosti koje su svuda oko
nas:domaću ¨besidu¨, ¨familiju¨ bez koje koliko to mi tvrdili ne
možemo, trenutke provedene z dragim ljudima, dobrom hranom i lipon
kulturon.
Jedno
je sigurno: ova knjiga Darka Pekice postala je dio suvremene hrvatske
kratke proze, ne samo dijalektalne, a to, priznajmo, u današnjem
svijetu, nije malo.
Citat
iz predgovora prof. Mirjane Benjak, Kratka proza iz Savičente.
U
Muzeju suvremene umjetnosti Zagreb, ćemo ga prezentirati 21.12.2012
u 18 sati, prije otvorenja izložbe Šikuti machine – Šikuti u
MSU.
Subota, 15.12.2012. Savičenta, poli
Ferlina u 19 ur
Zadnji gril uvega lita će biti u
znaku žen, deboto kako sve do sad ve zime. Naša draga pretelica eli
senjora Ivona Orlić ka je prva činila izložbu fotografij u Šikuti
i lansirala nas tamo kadi smo. Sad je još etnolog, francilog,
identitetolog, fotolog i još tih logi ma to će nan sama špjegati u
subotu poli Ferlina kadi će š njon ćakulati još ne znamo ki, ki
će biti na mistu Marija Benčića ki ne more doj.
Drug Andi Bančić ki je zadužen za
likovni parat grila je zva u goste senjoru Karmen Orlić da večer
bude u duhu Porečanki. Karmen je, kako Andi govori, sakramenska
črno-bila fotografkinja. Da je dobila svjetsku nagradu za 2011. lito
u crno-biloj fotografiji ku daju Black&white spider awards,
institucija ka prati najbolja dostignuća u crno-biloj fotografiji.
Senjora Karmen je imala moštre po Hrvackoj i po svitu.
Noel da će dopeljati Prikudražane da
kantaju š njin, a na griljati će se joped naj palenta.
Alora, subotu
večer poli Ferlina na dozu porečke kulture, a da ne zabite drugi
petak, eli 21.12.2012. u 6 ur zvečer, ku van se da, pojdite do
Zagreba u Muzej suvremene umjetnosti kadi će Šikuti Machine imati
izložbu i promociju libra Darka Pekice ¨Postelja za četiri¨.
Roberta Razzi, Ljiljana Vlačić,
Kantaduri end grill
Subota, 08.12.2012. Savičenta oštarija
poli Ferlina 19.00
Senjor Edo Popović nas je kalma da ne
prekinemo kambu, ki ni moga doj pasanu subotu, ma da će pokle novega
lita. Zato uvu subotu joped palimo mašinu. U goste će nan doj
mirakuloža labinjanska poeteša Roberta Razzi. Ne rabi puno govoriti
o njoj, a u subotu će Mario Benčić čakulati o sven i svačen z
tin čudon labinjonske cakavice.
Ljiljana Vlačić je akademska
slikarica, stešo sakramenska ku stešo pieža amor, kega stavlja na
platno. Stešo labinjanka ka voli poklatiti do Zimbabwea, pak će nan
pokazati kakova je to ljubav tira da gre z Labina u tako daleki svit.
O njoj bi par besid reka drug šikutski Luc Majmajolski.
Nole će valja dopeljati labinjaske
kantadure, a kuhati ćemo još na znamo ča.
Drugu subotu u oštriju poli Ferlina
će nan doj naša draga pretelica Ivona Orlić ka će nan špjegivati
o etnologiji, o identitetu istrijani, o starini. Slike na zid će
vrći porečanka Karmen Orlić plus kantadur.
Na 21.12.2012. Šikuti gredu u Muzej
suvremene umjetnosti Zagreb kadi ćemo imati malo veću izložbu
radovi ke smo činil do sad. Ne sve ma lipi parat njih. Činiti ćemo
i jadan librić-katalog u ken će biti prežentani svi radovi ča smo
he činili kroz tih dvanaest lit. Pak ku ste tih dani u okolici
metropole pasajte hiti oko.
Forši do kraja liti činimo i jedan
eksperimentalni film o jenen pokojnen savičentinu, pak bi to bija
fin de anno za Šikute.
Eko, joped niki črv u guzici nan ne da mira, pak bimo malo klatili na okoli. Pok smo
prvi parat lita vižitali Volosko, Kanfanar, Poreč i Novigrad sad smo zvali druga Kontošića ki
je šindako ud Barbana kako bi činili jedan mali đir do mista ki štima prstenac.
Šikuti bi u četrtak večer na dvajset i devet novembra napali i okupirali staru školu u
Barbanu z cilovečernjin programon. Prvo bi prežentali novi libar Darka Pekice Postelja za
četiri, o ken bi rabija govoriti senjor Drago Orlić, kega ne rabi posebi prežentivati.
Živuća legenda ka još hodi po vin prostori, Franci Blašković, bi stešo ima svoj
performans u prilog libra, ki je zibra sedan štorij i uglazbija he, pak je to diventa njigov
osandeseti album, Hommage Darku Pekici i Savičenti in the morning, CD ki je sastavni dio
libra.
Izložit ćemo osam fotografija Andija Bančića Pekine krave u krupnom kadru, kadi se
vidi kako je kravan deboto liplje nego nan.
Elvis Lenić, je činija film o Drugu Frlinu z Vodnjana pak ćete imati priliku u
drugarsken gradu pogledati drugarski film ki dura 45 menuti.
Kadi gredu Šikuti, gre i ništo za u kljun, pak ćemo naj kakov sirić i bakalajić, a i za
popiti će biti, pak vas sve lipo i drago zovemo da nan dojdete dati kuraja, kupite libar za
sedandeset kunic i lipo se zabavite.
Igor Duda, Iva Gašparić Žiković,
kantaduri palenta
Subota 24.11.2012, oštarija Ferlin
savičenta u 7 z večer
Pokle, ma veramente zaspravlje
sakramenske poeteše Nade Galant, mahera ud dizajna Olega Šurana,
vajk štabelih kantaduri Jože Jurkote i Mate Pucića, vu subotu se
prihićivamo na Puležane. Senjor Igor Duda je po domaću čudo
prirode. Koreni su mu u Žlapani, finija je velike škole u Zagrebu
za mediga ud antike i hrvackega jezika, dela na velikih školah u
Puli stešo za antiku, napisa je dva libra ¨U potrazi za
blagostanjem¨ i ¨Pronađeno blagostanje¨, pomoga je urediti
istrijansku enciklopediju, sad da je kako prvi za to da dopru katedru
u Puli, za vaditi se kako je bilo za vrime Jugoslavije eli u
socijalizmu, i još čud tega, inšoma uno čudo prirode. Ž njin će
Mario Benčić ćakulati o sven ten i još ničen.
Luc Majmajolski bi rabija reći par
besid o izložbi slik ud mlajže umetnice Ive Gašparić Žiković
ke je velike škole za slikati finila u Riki. Već puti su je
premijali za njeje slike i strip. Dela u Muzeju suvremene umjetnosti
Istre u Puli.
Noel bi rabija kantati z kin još ne
zna, a palenta z tripići bi rabila biti za prste polizati, almeno
tako govore kuhari Rino, Šilijo i Klaki.
Alora uvu subotu u 7 z večer ni kamo
ko ne u Savičentu u oštariju poli Ferlina na još jeno šikutsko
malo čudo prirode.
Subota, 17.11.2012. u 19.00 Savičenta
oštarija poli Ferlina
Žito smo posijali, žirje pobrali,
deboto da su i praščine počele, zafriškalo je lipo i ni ča kune
užgati makinu šikutsku i poj ča manorati. Eko nas tako u vu subotu
u oštariji poli Ferlina kadi ćemo imati čast da ugostimo
sakramensku poetešu Nadu Galant z naše drage nan bezačije.
Uozlji, Neka buo, Hćeri Evine, Uroki ruok su zbirke pesam koje je
senjora Nada napisala na trdoj bezačkoj čakavici. Još jedan trdi
ča-Karnevalac Mario Benčić če š njon predikati o jeziku,
poeziji, makaruni, bezačiji, itd.
Za drugi parat grila eli vizuala je
zadužen senjor Oleg Šuran magistar ud novih meidji ki je diplomu
činija u Spiltu na Umjetničkoj akademiji. Ti sakrabojski puležan
je uvega lita na izložbi ¨1112¨ u Muzeju za umjetnost i obrt u
Zagrebu dobija je nagradu Hrvatskog Dizajnerskog Društva za najbolji
dizajn vizualnih komunikacija u profesijonalnoj kategoriji (ti plakat
biti će izložen i još jedan plakat za predstavu Kako je Dunda
spasila domovinu.
Treti parat večeri će regulati
senjor Noel Šuran z svojima kumpanji kantaduri. I zadnji parat eli
gril će biti u žuto. Palenta z ?
Kuraja i do vidova u subotu poli
Ferlina u 7 z večer.
Alora vako, pokle sakramenskega Noela
Šurana-Pletokosa i genijalnega Eugenea Chadburna šikutska
mašinerija gre naprid. V sudelovanje z Johan Lebac Prdakšon ove
subote u Šikute će doj lipi broj umetniki ki će prežentati svoje
stvaralaštvo i svoju borbu.
Fala unima ki daju šolde za program
Izložbe u Šikuti-Županija istrijanska (drug Borseti), ćemo činiti
griljatu Leskovački voz. A vo dalje je špjegacijun ud unega ča će
biti.
Kuraja, Pekica.
U okviru radionice
Krojcberg koju organiziraju udruge Otompotom i Distorzija u suradnji
sa "Fijuk laboratorijom", biće izloženi plakati štampani
u tehnici sito tiska kolektiva "Novo Doba"
(autori: Igor Hofbauer, Dunja Janković,
Danijel Savović, Aleksandar Opačić, Anna Ehrlemark, Bernharda
Xilko...), te izložba originalnih radova nezavisnog umetnika iz
Zemuna Danijela Savovića i umetnice Svetlane Radenković koja je
magistrala u Beogradu.
Također, bit će izloženi i stripovi
napravljeni na radionici po tekstovima Francija Blaškovića i Bojana
Žižovića.
Glazbeni program: Predstavljanje
glazbene kompilacije "Novo Doba - Šta je bitno?"
Specijalna akcija: Sito štampa uživo
i besplatno.Donesete majice! Štampamo motiv strip autorice Anne
Ehrlemark.
Eko nas joped. Malo je zafriškalo pak
se šikutska mašina joped dala na delo. Ovi put ne bude ni subota ni
nedilja još manje petak nego četrtak z večer, pak lipo dojdite u
Šikute na dozu umetnosti. Sporadi druga Henrija punterskega ćemo
imati neponovljivu priliku slušati i gledati to čudo merikansko -
genijalca Eugenea Chadburna ki da će sviriti kako ča najbolje zna
sam. Čovik da je svirija z svakokovima maheri kako ča su John Zorn,
Dead Kennedys, Jimmy Carl Black i čuda drugih. Ko ćete već znati o
Eugenu hitite oko na www.ravnododna.com/eugene-chadbourne.
Drugi parat večeri eli prvi ovisi o
Lucu Majmajolsken-sakramensken kunsthistoričaru aš ne zna eli će
doj na vrime u Šikute, će biti u znaku kož ud ovac eli janci ke je
činija lindarski genijalac Noel Šuran-Pletokos. Luc da bi rad
govoriti o toj izložbi koju je Noel nazva Genetski crteži a i
prilika mu je za najaviti Tote smo 3, veliku umetničku manifestaciju
na ovima prostori.
Kako te programe pomoru županija i
država će biti ča i za u kljun na ploči.
Kuraja i do vidova, u četrtak u 7 i po
z večer u Šikuti.
Za sve filmoljupce na internetu, Lenić je pokrenuja novi filmski portal u sklopu Kulturistre. Na portalu je za sada par tekstova, ali poznajući Lenića, to će se brzo napuniti. Kategorije su razne: TV i DVD, Kino, Filmska događanja i Filmske novosti. U njima će Lenić pisati recenzije novih i starih filmova, komentare, a popratiti će i friške vijesti iz svita filma i pisati reportaže z filmskih festivali.
Alora vako, kultna galerija u Šikuti
dopire i vo lito svoja vrata, to bi bilo dvanajsto lito da nan je
drago ugostiti umetnike ud svukud. Čast da prvi vo lito preženta
svoje radove će imati senjor Emil Knapić artišta z Valkarina ki
će, pokle Pariza, u Šikuti predstaviti par monolitnih skulptur ud
želiza ke čine simbiozu istrijanskega težaka i krajolika.
Glazbeni eli muzički parat će
regulati John Lebac prodakšn ki je prvi potpredsednik-savetnik za
mužiku u Šikuti. Da ćemo čuti pulski bend UDAV, ki da su po njemu
sakramenski i deboto čudo prirode na vin prostori.
Kako ti naš program Izložbe u Šikuti
podržavaju Županija istrijanska i Kulturno ministarstvo RH, ćemo
kako i vajk činiti griljatu i kakovu kaplju popiti da ne usušimo ki
da će biti lipo teplo.
Kuraja do subote u
Šikuti – Knapić z želizi, Udav z noise i griljata.
Fjaka ne znači da svo to vrime nismo niš delali, samo se meni ni dalo siditi sprid kompjutera i obrađivati fotke. Fjaka je finila a fotke su obrađene. Pogledajte ča smo delali u zadnja dva miseca:
Pekin libar, Andijevi litrati, Lenićev film Petak 11.05 2012. u 19.30 Novigrad-Citanova, muzej Lapidarium
Pokle tri on the rouda, šikutska mašina gre naprid i to u nami najdrajži grad Čitanovu, perke je tamo moja najdrajža dotoreša ud jezika ka je uredila libar Postelja za četiri, kega ćemo predstaviti u muzeju senjora Mirjana Benjak. Tamo i naš dobri duh artišta Đanino Božić ki je reka kako da činimo libar, tamo je još i Jerica i Ketrin i Torbica i čud ljudi ke imamo rad. O libru bi rabija govoriti senjor Drago Orlić, kega ne rabi posebi prežentivati plus naturalmente senjora Benjak. Franci Blašković će prežentati svoj osandeseti album Gori usi Winetou eli Hommage Darku Pekici i Savičenti in the morning, CD ki je sastavni dio libra.
Andi Bančić će ubisiti osan fotografij na ken su Pekine krave u krupnom kadru. Prikazati ćemo Lenićev film Drug Ferlin ki nima veze z Šikuti ma smo vajk za dati kuraja drugu, pak vas sve lipo i drago pozivamo da nan dojdete dati kuraja, kupite libar za sedandeset kunic, pogledati Andijeve litrate, Lenićev Film i lipo se zabavite.
Subota, 5.5.2012, Savičenta, oštarija
poli Ferlina u 20 ur
Prija nego zatepli kako tuka da se
moremo prihititi u Šikute, ovu subotu ćemo još malo maltretirati
Marija Ferlina u njigovoj oštariji.
Zvali smo senjora
profešura Nikolu Petkovića sakramenskega čakavskega poetu kemu je
doma Bakar, a ni Meriku ni slabo vižita ki je putija študente po
raznin američkin sveučilišti, a u Austinu na University of Texas
je finta doktorira komparativnu književnost. Dela na filozofsken
fakultetu u Riki, lipi broj libri je napisa, ča poežije, ča proze,
eseji i studij. Mi da bimo fato rad predikati o libru Uspavanka za
mrtve ka je štampana 2007. lita, aš po Franciju da je to kapolavoro
za duboki naklon. U pomoć smo zvali i fijumanske pretele z Novega
lista pak te Marin Miljenko i Slavica Mrkić Modrić predikati z
šenjoron Petkovićen, a forši da bi i Franjo doša reći kakovu
tešku besidu o ten štivu.
Noel da će si dopeljati divojku Ines
pak da će nas malo znenaditi z kakovon kanton. Gril je zamišljen z
šparugami, ma pero ko he ki nabere, ko ne, sama jaja.
Alora uvu subotu u osan z večer
oštarija poli Ferlina: senjor poeta Nikola, Marinero, Mrva, Franjo,
Noel, Ines, šparuge!
Program će biti isti kako i do sada: prežentati ćemo Postelju od četiri, Francijev CD Savičenta in the morning, Vogrdu i Pekine krave u krupnen kadru. Moderator će biti Drago Orlić a s nami će biti i urednica Pekinega libra Mirjana Benjak. Franci će sam prežentati svoj CD.
Bez isti i piti se ne more pak će biti i tega, samo još ne znamo ča.
Ovi naš program će gledati anke iz Sveučilišne knjižnice u Zagrebu aš ćemo se spojiti preko Skajpa.
Dojdite i vi!
Jeno malo smo se štufali prežentivati narodu to ča drugi delaju, pak smo napensali
malo klatiti naokoli i kaživati to ča smo mi činili.
Za prvu on the road pošli smo do našega pretelja Červara u Volosko prid petnaest dan,
a vi četrtak bi bili u najbogatijoj našoj susedskoj općini – Kanfanaru.
Šikuti bi u četrtak večer napali i okupirali Dom mladih u Kanfanaru z cilovečernjin
programon. Prvo bi prežentali novi libar Darka Pekice Postelja za četiri, o ken bi rabija
govoriti senjor Drago Orlić, kega ne rabi posebi prežentivati.
Živuća legenda ka još hodi po vin prostori, Franci Blašković, bi stešo ima svoj
performans u prilog libra, ki je zibra sedan štorij i uglazbija he, pak je to diventa njigov
osandeseti album, Hommage Darku Pekici i Savičenti in the morning, CD ki je sastavni dio
libra.
Projicirati će i video ki se zove Vogrda koji nas toniva u prirodu i kaživa da postoji još
misto pod suncem kadi je pastoralna idila istinita.
Izložit će i osam fotografija Andija Bančića Pekine krave u krupnom kadru.
Kadi gredu Šikuti, gre i ništo za u kljun, pak bi prežentali OPG Šaci z Krsani ki delaju
sakramenske prodote ud mlika (sir, skuta) med i lavandu, a i za popiti će biti, pak vas sve
lipo i drago pozivamo da nan dojdete dati kuraja, kupite libar za sedandeset kunic i lipo se
zabavite.
Antika, kantaduri, sir i škuta Subota, Savičenta, 10. marča u sedan z večer poli Ferlina
Šikuti makine pok su počeli z turnejon On the road, da ne bi ufendili domaće pučanstvo su zajno pokle prvega rouda ki je bija pasanu subotu u vološćanskoj Skali napensali tornati doma i prežentati Istarsko povjesno društvo, jenu mladu udarničku brigadu ljudi ki bi sami stili pisati uno ča je bilo i kako je bilo, pak bi nan došla dva Igora, jedan Šaponja i drugi Jovanović, profešuri ud povjesti, ki već nika lita gredu po Istri i kušeljaju z nonićima i nonicami koji su vraga provali po nemačkin logori u Drugoj gveri. Će nan povidati ča su čuli ud njih i pokazati parat ud tega ča su snimili, a bimo stili čuti anke ča z tin pensaju naprid, kako to skoristiti da se ne zabi i kako vaditi dicu po školah da znaju kako je bilo jedan put i zašto je bilo. Pelja da bi he u ten diškoršu senjor stešo profešur ud pasanih vrimeni Mauricio Levak, a kantati će fala bogu naši kantaduri ud antike Noel Šuran z kumpanji.
Gril će biti u šenju OPG Šaci z Krsani, alora sir i škuta, med i lavanda. Do vidova u subotu u sedan z večer poli Ferlina – med, mliko i antika.
Zad nas je i prvo gostovanje ovo lito, i to u Skalinadi u Volosku. Červar nas je smistija u malu konobu zajno do restorana kadi smo se čuli kako da smo doma. Prežentivanje libra je vodila Slavica Mrkić Modrić koja je i napisala lipi članak u Noven Listu pak pročitajte ča je imala za reći a pokle pogledajte i slike:
Darko
Pekica, Postelja za četiri / Andi Bančić, Pekine krave u
krupnom kadru / Šikuti makine, Vogrda
Šikuti
machine su se jeno malo štufali prežentivati narodu to ča drugi
delaju, pak su napensali malo klatiti naokoli i kaživati to ča su
sami činili.
Za prvu on the road da bi pošli poli pretelja Červara u
Volosko kadi je do prija niki dan ima oštariju Skalinadu, a do te
oštarije je činija tipo multimedijalni prostor u ken da bi dela i
izložbe i prezentacije i male svirke itd. Tako bi Šikuti uvu subotu
napali i okupirali to nešto z cilovečernjin programon.
Prvo da bi prežentali novi libar Darka Pekice, Postelja za
četiri. O libru bi rabili govoriti senjora Mirjana Benjak,
dotoreša ud jezika ka je zibrla štorije eli urednica libra, senjor
Maurizio Levak, medig ud antike, ki je iska dlaku u jaju, eli ki je
lektorira štorije a kakovu besidu da bi reka i Marinero, urednik
kulture u Noven listu – senjor Miljenko Marin. Sve to skupa bi
peljalo čudo prirode z unega kraja Učke – Slavica Mrkić Modrić.
U Volosko će z Šikuti doj i Franci Blašković ki će prežentati
80. besidarenje Gori uši Winetoa eli Savičenta in the morning CD
hommage Darku Pekici i njigoven libru Postelja za četiri. Ti CD, ki
je sastavni dio libra, čini sedan štorij z pasanega libra Darka
Pekice.
Šikuti će u isten prostoru projicirati i jedan video ki se zove
Vogrda ki nas torniva u prirodu i kaže kako još je mista pod suncen
kadi je pastoralna idila istinita, a uz to će izložiti i osan
litrati Andija Bančića – Pekine krave u krupnom kadru –
koje se nadoveživaju na video Vogrda.
Bogu fala, će biti ništo i za poisti i za popiti pak vas Šikuti
machine lipo i drago pozivaju da dojdete dati kuraja, kupite libar za
sedandeset kunic i lipo se zabavite.
Alora, subota 3. marča u osan ur zvečera, vrata do Skalinade u
Volosken – libar, litrati, video instalacija i besidarenje –
Šikuti makine.
Kako toka za prvo javljanje u oven litu, magari bi neki reka da kasnimo, želimo Van sve najbolje u noven litu, da Vas prati zdravlje, ljubav, da dobijete delo, povišicu ili ča Vas već kuntenta.
U ovo vrime od fešti san se malo ulinija pak nisan stavija fotke za zadnja tri Grilla ke smo imali ovo pasano lito. Danas san sve pronta ali prije nego počnete gledati slike malo EPP-a:
Kako ća već znate Šikuti Machine su izdali drugi libar našega Peke, Postelja za četiri, u kojoj morete najti skupljeno 166 Pekinih štorija. Ku niste mogli dojti na promociju libar još vajk morete naručiti preko e-maila darko.pekica@inet.hr. Uz libar ćete još dobiti i Francijev CD kadi je uglazbija neke Pekine štorije iz prvega libra i posebni Postelja za četiri označivač za stranice. CD i označivač su u ograničenin količinama pak se levajte. Sve to morete dobiti za 70 kunic.
A sad na Grill. Pokle ča smo promovirali Pekin libar u goste nan je došla Nikolina Ivezić, naša draga gošća. Ovi put nan je dopeljala novu seriju slika/reljefa ke je delala po uzoru na goblene, ma anke jenu seriju kadi je ona sama glavni lik. Kad je zadnji put bila u Savičenti Mario joj je da neki stari okvir a sad mu ga je ona tornala skupa z slikon ku je napravila za njega.
U pauzama su nas zabavljali Noel, Mauricio i Lučano, a pomoga in je i Vinko Zidarić. Mario i Šeki su nan prontali fritaju i ombolo.
Subotu pokle tega smo prvo prežentali novi projekt Marija Benčića, Poezija na kiosku. Na slikama morete viditi kako to izgleda: mladi poete Oleg i Oleg su čitali svoju poeziju na vrhu kioska. Tu istu poeziju se pokle moglo viditi po zidu Oštarije Ferlin.
Pokle tega naš Lenić je napravija savičentinsku premijeru svojega zadnjega filma Drug Ferlin. Ne, to ni film o Mariju nego o Antonu Ferlinu, predsjedniku vodnjanskog Udruženja antifašističkih boraca koji je i aktivni član Šahovskega kluba vodnjan.
Žižović je bija odgovoran za gastro kus pak nan je skuha srdele u ulju, za prste polizati. A za kantu je bija zadužen Noel ki je zabavlja ljude cilu večer sa svojin kantadurima.
I za kraj lita smo prontali izložbu porteta Pekinih krav, ku smo prontali Peko i ja. Ja san krave slika, a on je za svaku kravu napisa besidu ku smo stavili drito na slike. Da se ne moramo sami hvaliti smo zvali Orlića i Marija Benčića ki su to delali za nas. Slike su se mogle anke kupiti ma ni bilo puno onih ki štimaju blago.
Žižović je opet prontiva ribu, ovi put bakalaj, kako se uža na Viliju Bojžu. Ovi put mu je pomoga cili bek stejđ pak su svi pomalo čistili i mišali ti bakalaj. Bilo je toliko bakalaja da su ga rivali prontati na tri foze a Trananaj nan je još pronta i kuhani slanac.
Prema programu tribali su kantati Noel i Ines ma je na kraju došla skoro cila škvadra kantaduri pak je bilo veselu cilu večer.
U oven litu planiramo Grill malo peljati u goste pak ćemo imati malu turneju kadi ćemo prežentati libar, izložbu porteta krav i videoinstalaciju Vogrda, a z nama će hoditi i Noel sa svojon škvadron, a kadi moremo ćemo anke prontivati isti.