Politički grafiti u Puli

Grill peace united
Savičenta, subota 22.11. u 7 z večer, u oštariji Ferlin

foto: www.dulist.hr

Jesenja šema grila gre pomalo naprid, ove subote ćemo imati čast ugostiti sakramenskega umetnika, performera, direktora, druga Slavena Tolja. Donesti će nan frišku izložbu pod imenon Politički grafiti u Puli, ka je bila već u Dubrovniku, Riki, a kako ni rivala do Pule će sad biti u Savičenti, pak se forši ki domisli je vrći i tamo kadi bi tribala pripadati. Prežentati će i libar o tin grafiti. Da ne bude samo vizualno, z drugon Toljen će Mario Benčić ćakulati o toj izložbi, o Lazaretima, umjetnosti, itd.

Zaisto da će biti ča i za u štumig, sad eli gril eli suho još ćemo viti. Alora se vidimo u subotu u 7 z večer poli Ferlina.

Kokotović i Ciganović: I LUDOSTI GORE DRAGI MOJI LJUDOŽDERI!

Šikuti, subota, 31.05. 19.00 ur

Ovaj performans će biti zadnji proljetni progam u galeriji-štali šikutskoj. Do sad su svoje radove prežentali senjor Noel Šuran ( Audiografije), senjor Igor Dražić (fotografije), senjor Dobrila Dražen (cd-Partitio Jesus Comunista), senjora Ivona Orlić ( libar Istra kroz tri generacije), senjora Marina Đelalija( slike), Narada Projekt( mužika), Matija Debeljuh(video), Zbor Praksa( muzika). Ove subote će senjor Libero Kokotović-poeta i senjor Đurica Ciganović izvesti performans pod radnin imenon "I LUDOSTI GORE DRAGI MOJI LJUDOŽDERI¨!

PRIPREMA SE RAŽANJ ALI ZA SVAKI SLUČAJ TU JE I MANEŠTRA

POZDRAV I VIDIMO SE.

Kuraja,

Pekica, Đurica i Libero

Matija Debeljuh i zbor Praksa

Šikuti, subota, 23.05, u 20.00

Matija Debeljuh: Grad od čelika, kadar

Alora gremo naprej, avanti popolo!

Ovu subotu ćemo kompletamente gambijati red. Prvo ćemo griljati, aš da kultura na prazan štumig ne gre, pokle tega u 8 i po će nan zakantati divojke, majke, femine ud zbora Praksa z Pule koje u svojen repertoaru imaju borbene pesme. Pak ćemo prikazati Debeljuhov video Grad od čelika. Pak, inšoma ča da van rečen, ni ča ku ne doj u Šikute i naprid naši.

Narada Projekt, Marina Đelalia Jakominić i Ivona Orlić

Šikuti, subota, 10.5.2014. u 8 ur zvečer

Gremo naprid, ovu subotu u šikutskoj štali svoje radove će zavisiti senjora Marina Đelalia Jakominić – Porečanka ka je škole za likovni finila na Akademiji u Riki. Ilustrirala  je dvi slikovnice za dicu, izlagala desetak puti samostalno i više puti skupno, vode i vani.

Ivona Orlić će nan prežentati svoj novi libar Istra kroz tri generacije. Inšoma, dosti ste već čuli o njemu ma ne bude zadivalo ko još jedan bot nan Ivona i forši senjora Snježana Matejčić špjegaju par besid o Istri kroz tri kolina.

Narada Projekt je poetsko glazbeni performans kroz kega pulski pjesnik i glazbenik Nenad Marković predstavlja svoj rad. On je glavni vokal i autor projekta, s njin će ovi put sviriti Arsen Pliško na gitari, Vedran Vojnić na bubnjevi i Jasmina Makota prateći vokal.

.

Alora, ni ča ku ne pasati do Šikuti u petak z večer i guštati u slikami, libri, dobroj mužiki i naturalmente grilu ki će biti abondante.

Kuraja,

Pekica

IGOR DRAŽIĆ & PARTITO JESUS COMUNISTA

Šikuti, petak, 2.5.2014. u 8 ur zvečer

Zajno pokle Prvega maja u Šikuti je radno. Imamo čast da će nan u goste doj sakramenski pulski fotograf Igor Dražić ki će izložiti tri serije eli tri teme fotografiji, Pas, Asocijacije i Nadrealizam. O Igoru ne rabi preveć predikati ki je dosti angažiran u javnen životu Pule. Za drugi parat večeri će biti zadužen porečki muzičar Dobrila Dražen ki će predstaviti svoj novi projekt Partito Jesus Comunista z albumom Couch Guerilla. Kako to zvuči, dojdite čuti uživo u Šikute.

foto: Sebastijan Vojvoda

Alora, ni ča ku ne pasati do Šikuti u petak z večer i guštati u fotografijami, dobroj mužiki i naturalmente grilu ki će biti abondante.

Kuraja, Pekica

GRILL PEACE UNITED 13 LITO PRVI PUT

Petak 11.04.2014. šikuti 19.00

Noelove Audiografije

Eko nas! U trinajsten litu grill peacea šikutskga još ćemo šekati. Za to je vi put zaslužan drug Noel Šuran, ki je dobrahno zapešta istrijansku mužiku, pak će nan to svoje čudo prežentati u Šikuti ovega petka u sedan z večer. Da ne bude sam si je uza maještre ud arta, Lidiju Nikočević, Nušu Hauser i Darija Marušića.

Niman jako čud ča predikati o ten ku ne vas pozvati aš zaisto će biti ča za u kljun ki ja vazan bilzu a janjci teču okoli po sinakošah.