Drago Orlić, Jelena Jekić, Đina Pekica i Noel Šuran - foto i video

Pasani četrtak smo prežentali Orlićevu novu zbirku "Pitanje teksture". Litrate za libar je napravila Jelena Jekić pak smo njoj napravili izložbu.



Sve su popratili Đina Pekica i Noel Šuran sa istrijanskim kantami.

Orlić Drago (drugi put)

Četrtak u kvarat do 7 zvečer poli Frlina

Kako smo i ubećali, gremo naprid. Smo bili rekli libar poezije Ešerihi choli, ma kako ni riva doj z štampa van, vega četrtka ćemo prežentati novi libar poezije Pitanje teksture Drage Orlića. Libar je sakramenski, aš sve ča čini Orlić je štabelo, tako je i u ten libru nikoliko fotografij ke su isto tako lipe i štabele, pak ćemo prežentati i senjoru ka he je činila, a to je Jelena Jekić-Čuturić, Porečanka ku fotografija intereša deboto već ud življenja aš sve ča dela da je veženo uz fotografiju, i fotografija da nju napro ispunjava. Dežurni mužikaš Noel Šuran će joped zasviriti i zakantati, a forši će si i Đinicu dopeljati, pak će biti plesa. Za ništo pod zub će se naj, pak prikurajte doj i budite pravi ku maj morete.

Kuraja,

Pekica

Lipi moji 9, fotografije sa prezentacije

Orlić i Prodan su nan pasani četrtak povidali kako su nastali zvane Lakodelac i la Kost i prežentali zadnju zbirku kolumni Lipi moji 9.

Kako nan je bilo pogledajte na slikami:


 

Drugi četrtak ćemo prežentati još jedan Orlićev libar.

Lipi moji 9 poli Ferlina u kvarat do 7

1. 12. 2016., 18.45 h, Oštarija Ferlin

Inšoma dele šome, da ni Drage Debelga Orlića, bi ga rabilo klonirati, aš me joped tenta da delamo, a nego mi je bilo lipo i vako, lito dan ferij za Šikute. Deboto da bimo bili i cedili, aš nas ni volja niš, ma kako drug Orlić još vajk diha, smo napensali činiti kuku tre giovedi kon Caro Orlić.

Uvi prvi četrtak ćemo prežentati novi libar Lipi moji 9, o ken će ćakulati Orlić, Benčić i Prodan, drugi četrtak ćemo prežentati novi libar poežije Ešerihi koli, a treti četrtak ćemo špjegati zašto Dragi Debelen Orlić triba dignuti spomenik u Savičenti.

Kako i vajk, zaisto da će Noel ča i zakantati, a banak z ingredijenti će biti švedskega duha, pa kad se oni maknu ćemo i mi ča zagristi.

Alora, engnjoj tri četrtka z Debelin u oštariji poli Frlina u Savičenti u kvarat do sedan. Budite jušti i, kako bi reka Orlić, dajte si kuraja ku morete.

Pekica

Franci Blašković: Šikuti Machine

Foto: 88 ruža za druga Tita

88 rožic za Druga Tita

Grill Peace United
15-to lito, prvi put
Oštarija poli Ferlina, srida 30.03 2016 u 8 z večer

Eko ga na, ki je reka da ne dela, 83 ploča Gori Ussi Winnetou-a je vani, ime njoj je 88 rožic za druga Tita, eli kako je reka drug Miro Ploj: Franci, ti imaš više ploča nego fanova. Sutra eli srida večer u 20.00 u oštariji poli Ferlina u Savičenti, Šikuti Machine vas tenta doj na događaj stoljeća, ča bi bija 30 lit življenja Gori ussi Winnetou-a kemu je Franjo za rojsni dan činija još en sakramenski album.

Kuraja!

Pekica