Pasana subota je pasala u znaku Drage Orlića ki je preženta dva libra i jenu grafičku mapu ku je napravija z istarskin meštron od crteža Renaton Percanom.
Glavna tema večeri je bilo reizdanje libra Štorice od štrig i štriguni. Orlić je povidiva ča su to orki, štrige, krsniki, more... Prvu polovicu večeri moderator je bija Peko jer se je Davor Šišović zgubija u Salanbati pak je kasnija. Šišović je, skupa z Orlićen, obradija i libar kratkih priča Casanovina jabuka.
Kad bi se njima osušila usta palicu bi preuzeli Marija i Milan Kranjčić ki su kantali široki spektar kanti, od narodnih do šansone.
Uz grafike Renata Percana izložene su i pištole ke je skupija Mario Ferlin. Špjega nan je da su te pištole najveć bile za samoobranu i da si čovik da kuraja, a da će ono pravo oružje od soldati nan pokazati drugu subotu.
Meštri u kužini su jopet omastili ljudima brk z fritajon, a u điru su bili još i pršut i sir.
Nema komentara:
Objavi komentar