Subota, 27.11.2010. u 19.00. oštarija Ferlin, Savičenta
Pokle „mekega terorište“ – legendarnega Marka Brecelja, Šikuti machine u Savičentu pelju još jenu veličinu – đornališta senjora Elia Velana, Rovinježa na privremenen delu u Trstu. On bi nan rabija ćakulati o temu kako će nan biti u Evropskoj uniji, kako je lipo klatiti – ča on voli napro, koliko je cenzure u đornali (najveć nas intereša u Glasu Istre) itd. Mario Benčić će ga peljati po tih puti i pensiri, a kad oni fine, senjor Mladen Lučić-Luc Majmajolski će reći par besid o „Otiscima“ ke će izložiti mlajži lindarski likovnjak Noel Šuran ki vo lito finjiva likovnu akademiju u Riki. Pokle tega ćemo čuti ča su nan parićali članovi Voklano-instrumentalnega sastava oštarija Ferlin, ki bi vi bot rabili biti Karlić, Dario i Noel, a forši i još ki. Fala bogu, pokle svega tega ko ne ča poimo bimo pukli, a Dino i Rino zuz pomoć Šekija, Šilije i još kega, će imati posla z grilon. Alora, u subotu u sedan z večer dojdite poli Ferlina u Savičentu po još jenu dozu.
Za kraj, foto album od zadnjega Grilla.
Nema komentara:
Objavi komentar