Finila je i ova sezona izložbi u Šikutima, i to na veliko. Dragana Sapanjoš je prontala performans i instalaciju Vis Major: Alejandro a u temu su joj pomogli LET3. S ovon izložbom Dragana je zaključila trilogiju koje počela u Novigradu i nastavila u Puli. Sprid galerije bila je izložena kopa od suhega cvića koje je bilo izloženo u Novigradu, a u galeriji je po podu bila prolivena voda od tega cvića, koja je trulila dva miseca. Kao kontra smradu od vode, na plafonu su ubišeni mirišljavi borovi za auta. Na sred galerije je bila izložena samo jena vaza puna trule vode.
Za to vrime su LET3 kantali iz šterne svoju kantu Bosa noga a z improviziranon trubon hi je pratija Henry. Kako i triba za ovako specijalnu priliku, performans je došlo viditi puno ljudi. Kako je sve to izgledalo morete viditi na slikama na kraju ovega teksta.
Nema komentara:
Objavi komentar