ŠIKUTI, subota
1.06.2013. u 20.00
Alora vako, kultna
galerija u Šikuti dopire i vo lito svoja vrata, to bi bilo
četrnajsto lito da nan je drago ugostiti umetnike ud svukud. Zapravo
doprli smo je u sridu z Henrien, Nadanon i Šuketon ma to je program
Grill peace united, a vo sad je Izložbe u Šikuti. Čast da prvi vo
lito preženta svoje radove će imati senjor Petar Šćulac, artišta
z Pule, ki slikiva, performira, multimedijira, inšoma, sve to skupa
u jenen će biti moguće viti u Šikuti. Glazbeni eli muzički parat
performansa će biti u rukah Milana Grbića - sam Pero ni stija
povidati ča će to biti.
Kako ti naš program
Izložbe u Šikuti podržavaju Županija istrijanska i Kulturno
ministarstvo RH, ćemo kako i vajk činiti griljatu i kakovu kaplju
popiti da ne usušimo.
Kuraja do subote u Šikuti – Pero z slikami, performanson, Milan z mužikon i naturalmente griljata.
Pekica
Nema komentara:
Objavi komentar